Sætabrauðsdrengirnir mæta með jólaskapið í Hveragerði

Sætabrauðsdrengirnir sækja Hvergerðinga heim á morgun sunnudag kl 17:00 í Hveragerðiskirkju. Meðlimir eru Bergþór Pálsson, Gissur Páll Gissurarson, Hlöðver Sigurðsson og Viðar Gunnarsson en Halldór Smárason sér svo um að útsetja og spila á píanó. Tónleikagestir geta átt von á skemmtilegum jólatónleikum og gríni.

Þeir eru miklir grínistar og er meðal annars hægt að finna skemmtileg brot á youtube undir Sætabrauðsdrengirnir en þeir hafa haft gaman af því að taka upp og slá á létta strengi.

Bergþór Pálsson og Albert Eiríksson kíktu í skemmtilega heimsókn til Hennýjar Árna í dag og þar var sprellað.