Heimagerðir íspinnar fyrir krakkana , litríkir og bragðgóðir.

Nú þegar sólin er farin að skína og úti að hlýna þá er tilvalið að smella í íspinna fyrir börnin. Þessir eru kannski ekki þeir hollustu, en litríkir eru þeir og bragðgóðir.  Svo má að sjálfsögðu nota önnur hollari  innihaldsefni.

Í þessa er notað vanillu ís, kökumix, vanilla extract þykkni, mjólk og kökuskraut.

Uppskriftin gerir 6-7 íspinna.

Innihaldsefni:

• 3 bollar af vanilluís
• 3/4 bolli kökumix (vanillu)
• 2 tsk vanillu extract þykkni ( má nota agave sýróp og bæta þá við vanilludufti)
• 1 bolli mjólk
• 1/2 bolli kökuskraut að eigin vali.

Aðferð:

Setjið ísinn, kökumixið, vanilluþykknið og mjólk í blandara eða matvinnsluvél. Blandið saman á meðalhraða, eða þar til blandan er orðin slétt. Hellið blöndunni í skál ásamt kökuskrautinu. Setjið blönduna í íspinnamót með skeið. Einnig má setja smá kökuskraut í botninn á mótinu eða eftir að hann er tilbúinn. Setjið í frysti í um 4 klst. Athugið, til að ná ísnum úr forminu er gott að setja hann undir heitt vatn í nokkrar sekúntur eða taka hann út nokkrum mínútum áður en hann er borðaður svo hann losni frá forminu.

Verði ykkur að góðu 🙂